Fabio Kapelo nuk është më trajneri i Anglisë. Italiani ka dhënë dje zyrtarisht dorëheqjen nga posti që mbante pas një takimi që pati me presidentin e federatës, David Bernshtain dhe sekretarin e Përgjithshëm, Aleks Horn. Trajneri i “tre luanëve” kritikoi publikisht vendimin e federatës për t’i hequr shiritin e kapitenit Xhon Territ dhe kjo shkaktoi një përplasje mes tij dhe drejtuesve të Federatës. Por Bernshtain i tha në një takim teknikut italian se ai nuk mund të vërë në dyshim autoritetin e Federatës, që vendosi t’i hiqte shiritin kapitenit të akuzuar për racizëm. Ai i shpjegoi 65-vjeçarit se nuk mund të lëshonte të tilla deklarata. Siç dihet, Kapelo tha për “Rai 1” të dielën se ai nuk kishte qenë dakord që Federata t’i hiqte shiritin Territ, pa përfunduar ende procesi gjyqësor, por një injorim i tillë nuk u prit mirë nga institucioni. Ndërkohë që telashet për Xhon Terrin nuk kanë të sosur. Pas heqjes së shiritit, atë e ka braktisur edhe sponsori i kombëtares, “Umbro”.
Opinion
Shqipëria në kërkim të liderit
EVARIST BEQIRI
Këshilla bijës sime në ditën e votimeve
BARDH RUGOVA
Deformimi i personalitetit nën autokraci
DR ERION PICIRI
Nga dëgjesat qytetare te bulevardi
AGRON HAXHIMALI
Gen. Z “Suksesi” i protestës vret ndryshimin
BEN ANDONI
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama