Presidenti rus Vladimir Putin ka anuluar viziten e planifikuar ne Shtetet e Bashkuara te Amerikes, gjate te ciles do takohej me presidentin Barak Obama.
Lajmin e ka njoftuar Shtëpia e Bardhë, e cila beri me dije se se Putin ka hequr dorë nga një vizitë e planifikuar gjatë këtij muaji në Shtetet e Bashkuara, për një samit ekonomik dhe për bisedime me presidentin Barak Obama.
Sipas njoftimit, Putin i ka thene përmes telefonit Obamës se ai ka nevojë të përfundojë punët rreth krijimit të kabinetit të tij të ri.
Në vend të tij, kryeministri i sapoemëruar i Rusisë Dimitri Medvedev pritet të marrë pjesë në samitin e G8-ës në Kamp Dejvid, të Merilendit më 18 dhe 19 maj.
Administrata Obama e ka zhvendosur takimin e G8-ës në Kamp Dejvid nga vendi më parë i planifikuar në Çikago, pjesërisht për të akomoduar Putinin.
Krerët e shteteve të NATO-s mblidhen në Çikago më 20 maj. Shtëpia e Bardhë tha se Obama dhe Putin kanë rënë dakord të takohen muajin e ardhshëm në margjinat e një takimi tjetër ekonomik.
© Panorama.al
