Presidenca e Afrikës Jugore tha se ish presidenti Nelson Mandela ka dale nga spitali.
Mediat raportojne se ai u dërgua në shtëpi, pasi ishte kontrolluar dhe konstatuar se “nuk ishte vërejtur asgjë problematike”.
Zyrtarët më herët kanë thënë se ish presidenti 93 vjeçsar, njëherësh fitues i Çmimit Nobel për Paqe, Nelson Mandela, i ishte nënshtruar laparoskopisë, një procedurë që përfshinë depërtimin e një kamere të vogël nëpër bark për ta mundësuar kontrollin e brendshëm.
Ai ka mbajtur 27 vite burg për luftimin e pushtetit të pakicës së bardhë në periudhën e apartejdit.
Ai u bë presidenti i parë zezak i Afrikës Jugore në vitin 1994, ku shërbeu pesë vite.
Ai është tërhequr nga jeta publike në vitin 2005, por mbetet një figurë shumë e popullarizuar.
© Panorama.al
