PRISHTINE- Qeveria e Kosovës vendosi që të kërkojë nga Gjykata Kushtetuese sqarime lidhur me çështjen e imunitetit të deputetëve të Kuvendit të Kosovës.
Vendimi u mor në një mbledhje të qeverisë, e cila kërkon nga Gjykata Kushtetuese, të sqarojë jo vetëm çështjen e imunitetit të deputetëve të kuvendit të Kosovës, por edhe imunitetin e posteve të tjera, si atë të presidentit dhe kryeministrit.
Vendimi i qeverisë pasoi kërkesën e përsëritur të misionit EULEX drejtuar Kuvendit të Kosovës që të qartësohet imuniteti i deputetëve që janë nën hetime.
© Panorama.al
