TIRANE- Beteje ligjore te pazakonte ne sensin e marredhenieve me kohen e ka cilesuar deputeti i PS-se, Pandeli Majko, perballjen gjyqesore mes shkrimtarit te madh Ismail Kadare dhe bashkeshortes se ish dikatorit Hoxha per doreshkrimin e origjinalit “Dimri i vetmise se madhe”.
Ne profilin e tij ne Facebook, Majko ka komentuar per zhvillimet e fundit lidhur me kete perballje gjyqesore, duke deklaruar se ne marredhenie me kohen fituan ne dy, nderkohe qe ne perballje me njeri-tjetrin (Kadare-Hoxha) fitoi shkrimtari.
Mesazhi i plote i Majkos
” Piktura, paraqet një “URE” dhe është e pazakontë, jo vetëm për këtë. Është bërë nga një shkrimtar. Ai quhet Viktor Hygo.
Në Tiranë, më i madhi i letrave shqipe (Ismail Kadare) “u përball” në gjyq me pushtetarin më jetëgjatë të shtetit shqiptar (Enver Hoxhën). Dorëshkrimi “Dimri i vetmisë së madhe” i cili zotërohej nga familjarët e politikanit të vdekur, u dorëzua në Arkivin e Shtetit me vendim gjyqësor. Ishte një betejë ligjore e zakonshme në “procedurë” dhe e pazakontë në sensin e marrëdhënieve me kohën.
Në marrëdhënie me historinë fituan të dy! Përballë njëri-tjetrit, fitoi shkrimtari! Tjetri, bëri atë të cilën kishte bërë edhe kur ishte gjallë. Për të fituar përjetësinë, pranoi statusin e “personazhit” të shkrimtarit.
Shpesh, shoh individë që sulmojnë shkrimtarin. E sulmojnë për të kaluarën, për heshtjen, për kokuljen, për postet…në rregjimin komunist.
HARROJNE, se duke mbetur gjallë ishte mbase i vetmi, që me ARTIN e tij, Kadare, ndërtoi “UREN ME TRE HARQE” (trinitia, lindje-jetë-vdekje), përmbi të cilën shoqëria shqiptare eci nga diktatura në demokraci. Në “këmbën” e URËS, keni vetë shkrimtarin dhe “fajin” e tij të murosur në të.
Pse mund të fyhet sot, një URË!? Mbase për faktin se të kujton që vjen nga “ana tjetër” e kohës. Dhe kjo, nuk është pak për një shoqëri postkomuniste.
Viktor Hygo ishte një gjeni. Ismail Kadareja ynë është më shumë, të paktën si “piktor”…. “URA” e tij, as nuk mund të shihet dhe as të pikturohet! AJO ka dëshmitarë vetëm ata që e kaluan. Unë jam një nga ATA!
Faleminderit shkrimtar!”
© Panorama.al
