Edhe protesta e 10-të në Tiranë është shoqëruar sërish me pankarta dhe slogane të shumta nga qytetarët, të cilët kanë vijuar thirrjet kundër qeverisë dhe kryeministrit Edi Rama.
Në mesin e pankartave të shfaqura në shesh janë vënë re mesazhe të ndryshme me tone të forta politike dhe ironi ndaj kryeministrit Rama.
Ndër to spikasin slogane si “Dorëheqje”, “Rama n’burg, Berisha n’burg”, “Grushti i fortë i Migjenit ka ardhur”, si dhe thirrje të tjera.
“Vdekje tradhtarëve, Albini shqiptarëve”, është një tjetër pankartë që qytetarët kanë sjell në protestë, dukë i referuar kryeministrit të Kosovës, Albin Kurti.
Po ashtu, qytetarët kanë ironizuar edhe deklaratën e Ramës së në protestë janë vetëm 2 mijë vetë, duke e vendosur imazhin e tij në një pankartë krahas të cilës shkruhet “2 mijë të reja apo të vjetra”.
