Ministria e Jashtme e Francës ka akorduar për zonat e prekura nga moti i keq në qarkun e Elbasanit një shumë prej 10 mijë eurosh. Menaxhimi i shumës do të bëhet nga ambasada franceze në Tiranë.
Në kuadër të ndihmave për ketë qark, janë grumbulluar gjithashtu edhe më shumë se 8 ton ushqime dhe medikamente, të cilat do tu shpërndahen banorëve të zonave më të prekura nga reshjet e dëborës.
Pjesa më e madhe e parave do të akordohet për Steblevën, si një nga zonat më të prekura. Ndërkaq, nesër do të jetë vetë ambasadorja franceze, Christine Moro, e cila do të mbikqyrë mbarëvajtjen e shpërndarjes së ndihmës për këtë qark.
© Panorama.al
