Është arrestuar për qëllime ekstradimi drejt vendit tonë, shtetësja shqiptare e shpallur në kërkim ndërkombëtar, Mimoza Pjetër Lugjaj, 47 vjeç, lindur në Peshkopi dhe banuese në Durrës.
Ish shefja e kontabilitetit të gjykatës së Kavajës ndodhej prej 9 vitesh në kërkim.
Zyra Qendrore Kombëtare Interpol Tirana informoi se arrestimi është bërë në Alessandria, Itali.
Gjykata e Rrethit Gjyqësor Kavajë, e ka dënuar Lugjajn me 5 vjet burg, për kryerjen e veprës penale të “Vjedhjes duke shpërdoruar detyrën” dhe “Fallsifikimit të dokumentave.”
© Panorama.al
