Ekspertë të basteve kanë deklaruar se yjet e skuadrave të Premier Ligës nxjerrin informacione sekrete të ekipeve të tyre për të përfituar shuma të mëdha parash. Pas skandalit të ish-kapitenit të Suathemptonit (Klaus Lundekvam), i cili pranoi se kapitenët e skuadrave të Premier Ligës në kohën kur ai luante në Angli vinin rregullisht baste deri në 1000 paund për skuadrat e tyre, është pasuar nga një tjetër investigim i tabloidit “The Sun”. Një ekspert i basteve në Lindjen e Largët, i cili monitoron tregjet e basteve në të gjithë botën, tha: “Sezonin e shkuar ndodhi një incident me një ndeshje të Premier Ligës. Një lojtar i njohur ishte i dëmtuar. Por, përpara se në Angli të mësohej se ai nuk do të luante, koeficienti i aktivizimit të tij ishte ulur në mënyrë drastike. Kjo shpjegon se dikush brenda klubit nxjerr informacione sekrete”. Ndërkohë që një person që merret me vendosjen e koeficienteve shpjegon se si arrijnë t’i zbulojnë ndeshjet e trukuara përmes monitorimit të sistemeve: “Është një shërbim i quajtur ‘Betradar’, i cili monitoron qindra e qindra tregje bastesh në të gjithë botën. Nëse bie një koeficient në mënyrë drastike, atëherë ky sistem sinjalizon gjithçka”.
Opinion
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
Shqipëria në kërkim të liderit
EVARIST BEQIRI
Këshilla bijës sime në ditën e votimeve
BARDH RUGOVA
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama