Një zyrtar i lartë i shërbimeve sekrete ruse u dënua dje nga Gjykata Ushtarake me 25 vjet burg, pasi u gjet fajtor për spiunimin e identitetit tek autoritetet amerikane të Ana Çapman dhe spiunëve të tjerë rusë që u arrestuan në SHBA. Koloneli Aleksander Potejev u shpall fajtor për tradhti të lartë dhe dezertim në gjyqin me dyer të mbyllura. Potejev kishte udhëtuar për në SHBA pak përpara se autoritetet amerikane të shpallnin zbulimin e rrjetit të spiunëve rusë gjatë verës së kaluar. Mes agjentëve të spiunuar nga Potejev ishte edhe flokëkuqja Ana Çapman, e cila dëshmoi në gjyq bashkë me nëntë të tjerët. Çapman tha se vetëm Potejev mund ta kishte siguruar informacionin që çoi në arrestimin e tyre vitin e kaluar, sipas agjencive ruse të lajmeve. Spiunët rusë u kthyen në atdheun e tyre në këmbim të katër të dyshuarve si agjentë amerikanë që ishin të burgosur në Rusi. Ky ishte sensacioni më i madh i bërë publik i lojës së spiunazhit, që nga koha e Luftës së Ftohtë. Çapman, më e famshmja prej spiunëve të zbuluar, tha në Gjykatë se ajo ishte kapur pasi një agjent i mbuluar amerikan e kontaktoi atë duke përdorur kodin e saj sekret, të cilin e dinte vetëm Potejev dhe manovruesi i saj personal.
Opinion
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
Shqipëria në kërkim të liderit
EVARIST BEQIRI
Këshilla bijës sime në ditën e votimeve
BARDH RUGOVA
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama