Çeki, 19 të vdekur nga alkooli ilegal me metanol

Të paktën 19 persona kanë humbur jetën dhe 24 të tjerë janë shtruar në spital nga helmimi me alkool të lirë me përbërje të metanolit. Substanca toksike, e përdorur për të forcuar alkoolin, ka shkaktuar verbim, koma dhe vdekje te përdoruesit. Ky alkool sjell fitime të mëdha për prodhuesit e tregut të zi. Republika Çeke ka shpallur masa urgjente, dhe pritet që numri i personave të vdekur nga helmimi me këtë alkool të rritet. Në tregjet e kontrolluara ndalohet shitja e pijeve me më shumë se 30 për qind alkool. Pas incidenteve, policia ka ndërhyrë në mbi 400 lokale, ku në 70 prej tyre ka gjetur alkool ilegal. Kryeministri i Çekisë, Petër Neças, u bëri thirrje çekëve të përmbahen nga pirja alkoolit të çfarëdoshëm me origjinë të paqartë.

© Panorama.al