TIRANE – Oficerët e Antidrogës së Tiranës sekuestruan pasditen e djeshme një sasi prej rreth 80 kilogramësh bimë narkotike, duke vënë në pranga gjashtë persona. Aksioni u zhvillua përgjatë autostradës Tiranë-Durrës dhe u finalizua në Vorë. Burime nga Policia e kryeqytetit thanë se sasia e kanabisit ishte nisur nga Durrësi dhe kishte si destinacion të fundit tregun e Tiranës. Gjatë një ndjekjeje policore, oficerët e Antidrogës dhe ata të Forcës së Posaçme bllokuan në Vorë dy automjetet ku ishte ndarë në pako të mbështjella me natriban sasia e hashashit, duke mos u lënë mundësi “arratisjeje” personave që e transportonin nga qyteti bregdetar drejt kryeqytetit. Burimet thanë se hetimet për finalizimin e këtij operacioni kishin nisur prej disa muajsh, duke vënë në përdorim metodat speciale dhe pas marrjes së informacionit për nisjen e pakove me kanabis u zhvillua edhe aksioni që përfundoi me arrestimin e 6 personave. Të arrestuarit janë, Eduart Gjonaj me të emën Kristina, Bardhok Arapi, Fatjon Dedaj, Arjan Kolaj dhe Gjok Dodaj, me origjinë nga Mirdita e banues në Tiranë.
Opinion
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
Shqipëria në kërkim të liderit
EVARIST BEQIRI
Këshilla bijës sime në ditën e votimeve
BARDH RUGOVA
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama