ELBASAN- Automjeti i ish drejtorit të Financave të Bashkisë së Belshit është gdhirë në flakë.
Persona ende të paidentifikuar nga policia i kanë vënë zjarrin automjetit me targa të Elbasanit.
Ngjarja ka ndodhur në orët e parë të mëngjesit.
Sipas policisë automjeti i djegur, tip benz, me targë EL 4113 C është në përonësi të shtetasit Veli Dervshi, që ka qenë kreu i financave të bashkisë.
Për fat, zjarri nuk ka shkaktuar dëmtime në zonën përreth apo persona të lënduar. Një grup hetimor i ngritur për ngjarjen ka nisur hetimet për të zbuluar shkakun dhe autorësinë.
© Panorama.al
