Apple, ia ka kaluar kompanisë multinacionale të naftës dhe gazit, Exxon Mobil, duke u bërë kompania me vlerën më të madhe në botë.
Marka e njohur Apple, me seli në Shtetet e Bashkuara të Amerikës, dje në bursat në Nju Jorkut kapi vlerën e 337 miliarda dollarësh, duke lënë pas kompaninë Exxon Mobil, e cila ka vlerën 331 miliardë dollarë.
Prej vitit 2005, Exxon Mobil, me seli në SHBA, radhitej e para në listën e kompanive me vlerën më të madhe.
Të ardhurat e Apple janë rritur vitet e fundit për shkak të forcimit të prodhimeve të saj iPod, iPhone dhe pajisjeve të tjera elektronike, që kërkohen në gjithë botën.
