TIRANË- Në vijim të nismave të saj, Aleanca Kuq e Zi ka bërë publike nismën më të fundit, atë për unifikimin e abetares.
Përfaqësues të AK kanë theksuar se duhen marrë masa dhe hartuar strategji për ruajtjen dhe mbrojtjen e gjuhës shqipe. “Një komb, një gjuhë, një abetare”.
Me këtë moto, AK sot i mëshon interesit të saj për gjuhën shqipe dhe njohjen e saj nga gjithë shqiptarët kudo ku jetojnë e punojnë në të njëjtën mënyrë.
Aleanca ngre shqetësimin e kaosit që sipas saj është krijuar aktualisht në arsimin fillor me tekstin më themelor, atë të abetares.
© Panorama.al
