Ministria e Jashtme e Rusisë ka akuzuar autoritetet kosovare se janë të lidhura me opozitën siriane dhe po stërvitin rebelët sirianë. Në protestën e Ministrisë ruse theksohet se “Vëmendjen tonë e tërheqin raportet e fundit të mediave mbi lidhjet e opozitës siriane dhe të autoriteteve të së ashtuquajturës Republika e Kosovës. Kjo përfshin jo vetëm shkëmbimin e përvojave për organizimin e lëvizjeve separatiste të drejtuara kundër regjimeve, por edhe stërvitjen e rebelëve të Sirisë në Kosovë”. Sipas Moskës, qendrat stërvitore ndodhen në ish-bazat e UÇK-së, kurse “shndërrimi i Kosovës në bazë ndërkombëtare për ushtrimin e rebelëve për formacione të ndryshme të armatosura mund të jetë faktor kryesor destabilizues në Ballkan”, duke i quajtur këto përpjekje në kundërshtim me misionin e Kofi Anan. Sipas mediave ruse, delegacioni i rebelëve sirianë ka udhëtuar në Prishtinë direkt nga SHBA. Një prej tyre është aktivisti për të drejtat e njeriut, Amar Abdulhamid, i larguar që në vitin 2005 nga Siria në SHBA si kundërshtar i Bashar al Asad. Edhe përfaqësuesi rus në Këshillin e Sigurimit ngriti akuza të tilla, por ministri i Jashtëm i Kosovës Enver Hoxhaj i mohoi ato.
Opinion
Shqipëria në kërkim të liderit
EVARIST BEQIRI
Këshilla bijës sime në ditën e votimeve
BARDH RUGOVA
Deformimi i personalitetit nën autokraci
DR ERION PICIRI
Nga dëgjesat qytetare te bulevardi
AGRON HAXHIMALI
Gen. Z “Suksesi” i protestës vret ndryshimin
BEN ANDONI
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama