LEZHE- Një aksident i rëndë me pasojë vdekjen është regjistruar pasditen e sotme në aksin Lezhë- Shëngjin.
Një motoçikletë është përplasur me një makinë duke shkaktuar plagë të rëndë për një 30 vjeçar, i cili humbi jetën.
Policia njoftoi se viktima është shtetasi, Fatjon Smaka, 30 vjeç, i cili në momentin e aksidentit ka qenë në motoçikletë.
Ende nuk ka të dhëna lidhur me shkaqet që kanë çuar në aksidentin tragjik. Policia ishte në vendngjarje ku ka nisur menjëherë hetimet për zbardhjen e plotë të aksidentit.
© Panorama.al
