PRISHTINE- Deputeti i Kuvendit të Kosovës, Fatmir Limaj është liruar nga akuzat për krime lufte në rastin “Kleçka”.
Limaj së bashku me shokët e tij të luftës, Nexhmi Krasniqin, Naser Shalën e Naser Krasniqin, që të gjithë u shpallën të pafajshëm në këtë rigjykim që u mbajt sot në Gjykatën e Qarkut në Prishtinë.
Trupi gjykues i udhëhequr nga Jonathan Welford-Carroll, disa javë më parë vendosi që gjashtë të akuzuarit për rastin “Kleçka” të shpallen të pafajshëm, derisa për Limajn dhe tre bashkëluftëtarët e tij kishte vendosur të mbahet rigjykim.
Ndërkaq, Prokurori Maurizio Salustro ka paralajmëruar ankesë ndaj vendimit të sotëm të shqiptuar nga Gjykata e Qarkut në Prishtinë. /Zëri/
© Panorama.al
