ZYRTARE/ Sauthempton i Brojës blihet nga një serb, zbuloni cilët janë drejtuesit e rinj

Sauthempton do të ndryshojë pronësi. Miliarderi serb, Dragan Solak do të jetë pronari i ri i klubit.Lajmin e ka bërë publik vetë klubi në një postim në Instagram, ku shpjegon detajet e kësaj lëvizjeje.

“Përgjatë këtyre dy viteve kemi kërkuar një investitor të duhur për klubin. Tani kemi gjetur zgjedhjen perfekte. “Sport Republic” janë investitorë me eksperiencë në fushën e futbollit,” u shpreh drejtori i klubit Martin Semens.

Çfarë janë “Sport Republic”?

Një kompani me bazë në Londër, e themeluar nga Henrik Kraft dhe Rasmus Ankersen. Vizioni i tyre është të ndihmojnë futbollin dhe teknologjinë, që të arrijnë maksimumin e potencialit. Miliarderi serb, Dragan Solak është themeluesi i “United Group”, e cila është lider në fushën e telekomunikacionit dhe medias në Europën lindore.

PANORAMASPRT.AL