Sulmuesi i Vllaznisë Silvio Zogaj mbyll kapitullin 2-vjeçar te Vllaznia. 23-vjeçari deklaroi në rrjetet sociale se nuk është më pjesë e shkodranëve.
Lezhjani shprehu mirënjohje të gjithë personave me të cilët ka bashkëpunuar gjatë kësaj periudhe te Vllaznia.
Mesazhi i Silvio Zogajt
Ndarjet janë gjithmonë të vështira , sidomos kur marrdhënia është e fortë dhe e pastër .
Në fund gjithmonë pyesim veten , çfarë mund të bëja më mirë ? Çfarë gabimesh bëra gjatë rrugës ? Si do të mbahem mend në skuadër ?
Sot largohem nga Vllaznia .
Largohem pa pengje , pa hatërmbetje , pa inate , vetëm me një mirënjohje të jashtëzakonshme për gjithçka .
Po largohem dhe po marr me vete shumë dashuri dhe krenari që mi dhuruat këto dy vite .
Kam ndjerë nder dhe përgjegjësi të papërshkrueshme çdo herë që e kam veshur në trup fanellën e Vllaznisë .
Jam përpjekur që në çdo ndeshje të jap maksimumin e forcave të mia .
I kam mbrojtur ngjyrat e Vllaznisë me shpirt e me zemër dhe për këtë ndihem më shumë krenar .
Dua ti falenderoj të gjithë stafet teknike me të cilët punova këto dy vite , në veçanti trajnerin Hasan Lika , kryetaren e bashkisë znj Voltana Ademi , administratorin Suad Lici , shokët e skuadrës me të cilët kemi qenë si një familje e madhe , dhe në fund por jo më pak të rëndësishmit tifozët e mrekullueshëm shkodranë , të cilët jetojnë me sportin e me Vllazninë .
E kam ndjerë respektin tuaj në shkallët e stadiumit dhe në rrugët e qytetit .
Po largohem me një eksperiencë të bukur mbi shpatulla , i përgatitur për sfida të reja akoma më të vështira që sjell bota e futbollit .
I uroj ekipit të Vllaznisë suksese dhe rikthim në majën e futbollit shqiptar aty ku e ka vendin !
Nuk është kurrë një lamtumirë !
Me respekt , Silvio Zogaj .
PANORAMASPORT.AL
NDIQE LIVE "PANORAMA TV" © Panorama.al