U mbajt këtë të hënë në qytetin e Sarandës Konferenca e IV Mbarëkombëtare e Arkivistikës. Qëllimi i kësaj Konference është për të prezantuar e parë më afër zhvillimin në fushën a arkivistikës, për të shkëmbyer ide e përvoja, për ruajtje cilësore të dokumenteve e materialeve të tjera arkivore që mbeten dëshmia më e madhe e së kaluarës, çelës për të kuptuar të tashmen, por pse jo edhe të ardhmen.
Gjithashtu kjo konferencë mbledh ekspertët dhe studiuesit e arkivave, të cilët diskutojnë çdo vit për problematikat, metodologjinë e studimit, dixhitalizimin dhe përmirësimin e infrastrukturës së përmbajtjes, inovacionin, si dhe vizionit të punës së arkivave në realitet e sotme.
Të pranishëm në këtë aktivitet ishin Drejtori i Përgjithshëm i Arkivave dr. Ardit Bido, Kryeshefi i Agjencisë Shtetërore të Arkivave të Kosovës z. Bedri Zyberaj, Kryetari i Bashkisë Sarandë z. Adrian Gurma, Prefekti i Qarkut Vlorë z. Flamur Mamaj, si dhe Arkivistë të Institucioneve të qytetit Sarandë.
Lidhur me situaatën nga koronavirusi, për të respektuar protokollet e sigurisë, konferenca ishte ndarë në 5 tryeza duke iu referuar temave që do të kumtoheshin.
?Tryeza 1, “E drejta e informimit, të drejtat e njeriut, shfrytëzimi i arkivave.”
?Tryeza 2, “Zhvillime teknologjike, shërbimi i arkivave të digjitalizuara.”
?Tryeza 3, “Inspektimi dhe trajnimet, puna e arkivistit.”
?Tryeza 4, “Historia përmes arkivave.”
?Tryeza 5, “Probleme të punës arkivore.”
Krahas konferencës, u prezantua edhe ekspozita me fotografi nga konferenca të kryera ndër vite si edhe nga botimet e DPA-së, “Buletini metodik” dhe “Arkivat Shqiptare” të cilat janë pjesë e fondit të Bibliotekës së DPA-së.
Aktiviteti që tërheq vëmendjen e historianëve e studiuesve nga i gjithë rajoni, u organizua nga Drejtoria e Përgjithshme e Arkivave së bashku me Agjencinë Shtetërore të Arkivave të Kosovës dhe me mbështetjen e Fakultetit të Tiranës, Filiali Sarandë.
Konferenca e IV Mbarëkombëtare është traditë që vazhdon mbas tre të parave të mbajtura në Tiranë, Prishtinë dhe Shkup.
NDIQE LIVE "PANORAMA TV" © Panorama.al