Zhbllokimi i fluturimeve në Rinas/ Kontrollorët shqiptarë zëvendësohen me turq, ja deri kur do të qëndrojnë dhe si erdhën në vendin tonë

Apr 8, 2021 | 15:31
SHPËRNDAJE

Kontrollorë të ardhur nga Turqia pritet të zënë vendin e kolegëve shqiptarë, të cilën braktisën punën në “Albcontrol”, duke bllokuar që prej ditës së djeshme fluturimet në Aeroportin e Rinasit.

kulla 7

“News 24” raporton autoritetet shqiptare kanë bërë kërkesë për kontrollorë ajrorë nga vende të tjera, ku këtë pasdite ka ardhur përgjigjja pozitive nga Turqia.

Ankaraja ka sjellë në vendin tonë kontrollorët e saj që pritet të menaxhojnë hapësirën ajrore shqiptare deri në zgjidhjen e problematikës.Mësohet se ata kanë ardhur në Shqipëri në rrugë tokësore, përmes një vendi fqinj. Pas zgjidhjes së situatës, pritet që kontrollorët e ardhur turq të largohen nga Shqipëria.

Sjellim në vëmendje që sot ministrja e Infrastrukturës dhe Energjisë, Belinda Balluku, bëri me dije rinisjen e fluturimeve esenciale, ndërsa paralajmëroi se nesër do të rikthehen ato komerciale.

Ministrja u shpreh se sot do të kryhen vetëm fluturimet emergjente që lidhen me çështje humanitare, shëndetësore, diplomatike, shtetërore dhe ushtarake.


© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.