Teksa vijojne zyrtarizimet e emrave te kandidateve, nga PS-ja mesohet se eshte drejt kandidatures ne Mirdite Ndrec Deda, i cili eshte aktualisht edhe Prefekti i Qarkut Lezhe.
Partia Socialiste zyrtarizoi kandidaturat e saj për Bashkinë e Vlorës, Sarandës dhe Himarës për zgjedhjet lokale të 21 qershorit.
Në takimin me kryetarin e PS-së në selinë rozë mëngjesin e djeshëm, deputetët e qarkut të Vlorës kanë mësuar mbi vendimin e Kryeministrit për kandidatët për kryetar Bashkie në Vlorë.
Deputetja e këtij qarku, Valentina Leskaj tha se kandidati për Bashkinë e Vlorës do të jetë mjeku Dritan Leli, ndërsa për Bashkinë e Sarandës Floriana Koka. Leli është një mjek i njohur i imazherisë që punon në spitalin publik dhe në një spital të njohur privat, ndërsa regjistron specializime në Francë, Austri, Itali, Greqi, Çikago apo SHBA.
“PS do të paraqesë në tryezën e aleancës, kandidaturën e Dritan Lelit për Bashkinë e Vlorës, kandidaturën e Floriana Kokës për Bashkinë e Sarandës dhe kandidaturën e Gjergj Goros për Bashkinë e Himarës, tha deputetja Leskaj.
Pas Vlorës, radhën për t’u takuar me kreun e PS-së e kishin deputetët e qarkut të Gjirokastrës. Kreu i kësaj liste, Arben Ahmetaj bëri publikë emrat e kandidatëve për bashki në bashkitë e këtij qarku.
“Kandidate e Partisë Socialiste në Bashkinë e Libohovës është zonja Luiza Mandi, për Bashkinë e Tepelenës, PS-ja kandidaton Tërmet Peçin, për Bashkinë e Memaliajt, Durim Roshin, për Bashkinë e Përmetit, Gilberto Jaçen dhe për Bashkinë e Këlcyrës, Klemend Ndonin”, u shpreh Ahmetaj.
Ndërkaq, dje pasdite, deputeti i qarkut të Gjirokastrës, Anastas Asngjeli ka prezantuar kandidatët për kryetarë bashkie në Përmet, Këlcyrë dhe Libohovë, ndërkohë fundjavën e kaluar ministrat Ahmetaj dhe Veliaj kishin prezantuar kandidatët për kryetarë bashkie në Tepelenë dhe Memaliaj.
Pritet që Kryeministri të përmbyllë sot edhe emrat e kandidatëve për kryetarë bashkish që do të kenë disa parti që iu bashkuan koalicionit të majtë në këto zgjedhje, si PDIU-ja dhe FRD-ja.
Partia Drejtësi, Integrim dhe Unitet do të marrë Bashkinë e Peqinit, Konispolit dhe pritet dhe atë të Rrogozhinës, ndërsa FRD me shumë gjasa do të ketë kandidatin e saj në Bashkinë e Devollit dhe një bashkëpunim me PS-në në Bashkinë e Tiranës
Ja bashkite qe pritet te zyrtarizohen
BERAT Petrit Sinaj (LSI-jozyrtar)
URA VAJGURORE PS- I papercaktuar
SKRAPAR LSI- I papercaktuar
POLICAN PS- I papercaktuar
KUCOVE LSI- I papercaktuar
DROPULL PBDNJ?
KURBIN PS- I papërcaktuar
MIREDITE PS- I papërcaktuar
RROGOZHINE PDIU- I papercaktuar
VORE LSI- I papercaktuar
DELVINE LSI- I papercaktuar
FINIQ PBDNJ?- I papercaktuar
KONISPOL PDIU- I papercaktuar
SELENICE LSI- I papercaktuar
BULQIZE LSI- I papercaktuar
PEQIN PDIU- I papercaktuar
CERRIK LSI- I papercaktuar
GRAMSH PS- I papërcaktuar
MALLAKASTER LSI- I papercaktuar
KOLONJE LSI- I papercaktuar
