Zgjedhjet presidenciale në SHBA/ Albin Kurti thirrje të hapur shqiptarëve të Amerikës: Votoni për…

| 19:54
SHPËRNDAJE
 

Duket se lideri i Vetëvendosjes në Kosovë, Albin Kurti nuk e ka harruar thirrjen e hapur të dërguarit special amerikan për dialogu Kosovë-Serbi, Richard Grenell për rrëzimin e qeverisë së tij. teksa në SHBA në nëntor do të zhvillohet zgjedhjet presidenciale, Kurti u ka bërë thirrje shqiptarëve të Amerikës që të votojnë për kandidatin demokrat, Joe Biden.

Albin-kurti3

Kurti përmes një video-mesazhi, të cili e ka postuar në Facebook, ka thënë që Biden, që nga vitet e 90-ta, është një mbështetës i palëkundur  i shqiptarëve në Ballkan.

Sipas tij, një votë për Biden, është një votë për të përforcuar vlerat e përbashkëta të drejtësisë, lirisë, vetëvendosjes dhe mundësive për të gjithë.

“Për shqiptarët në të gjithë Shtetet e Bashkuara, po ju drejtohem sot,  për t’ju nxitur që të votoni për Joe Biden në zgjedhjet e ardhshme presidenciale. Një votë për Joe Biden është një votë për të përforcuar vlerat e përbashkëta të drejtësisë, lirisë, vetëvendosjes dhe mundësive për të gjithë, të cilat gjithmonë kanë lidhur Shtetet e Bashkuara, Kosovën dhe diasporën shqiptare si aleatë të përkushtuar”.

“Që nga vitet e 90-ta, Joe Biden është një mbështetës i palëkundur  i shqiptarëve në Ballkan.  Ishte ndër të parët që denoncoi fashizmin serb në epokën e Millosheviqit; që bëri ndërhyrje amerikane në Bosnjë dhe më pas në Kosovë; që kërkoi ndjekjen penale të kriminelëve të luftës dhe që mbështeti pavarësinë dhe njohjen e Republikës së Kosovës”.

“Shqiptarët kanë një mik të vërtetë dhe alet të dëshmuar te Joe Biden. Një fitore e Biden-it do të kishte një ndikim pozitiv në të dy anët e Atlantikut. Do të sjellte vendet tona edhe më afër njëra-tjetrës në këtë kohë kritike, përderisa bota po lufton pandeminë më të keqe në më shumë se një shekull dhe përballet me kërcënime të reja ndaj të drejtave të njeriut dhe sundimit të ligjit”, u shpreh Kurti.

Për më shumë shikoni video-mesazhin e publikuar nga Kurti:

Te lidhura



Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.