“Zgjedhjet në Serbi mbahen më 3 ose 17 prill”- Vuçiç: Edhe opozita duhet të marrë pjesë

Sep 15, 2021 | 11:54
SHPËRNDAJE

Presidenti i Serbisë, Aleksandër Vuçiç, tha se zgjedhjet në Serbi do të mbahen më 3 ose 17 prill të vitit 2022.

vucic

Për vitin vitin e ardhshëm atje janë të planifikuara zgjedhjet e rregullta presidenciale, ato për qytetin e Beogradit, si dhe zgjedhjet e parakohshme parlamentare.

Duke folur për gazetarët në Beograd, Vuçiç tha se do të donte që edhe opozita të merrte pjesë në zgjedhje.

Në qershor të vitit 2020, opozita i ka bojkotuar zgjedhjet në Serbi, me pretendimet se Vuçiq ushtron ndikim të madh në institucionet shtetërore.

Vuçiq tha të mërkurën se pushteti sigurohet duke marrë pjesë në zgjedhje dhe duke i fituar ato.

Ai foli edhe për rastin e deputetit të Listës Serbe në Kosovë, Ivan Todosijeviq, të cilit, muajin e kaluar, Gjykata e Apelit në Kosovë ia ka konfirmuar dënimin me dy vjet burgim, për shkak të mohimit të masakrës së Reçakut, në të cilën forcat serbe kanë vrarë 45 shqiptarë të Kosovës, më 1999.

Vuçiq tha se për Serbinë, “vendimi në shkallën e tretë kundër Todosijeviqit është i një rëndësie kyçe”.

Ai gjithashtu tha se është e rëndësishme që Serbia të ruajë sigurinë e serbëve në Kosovë.

“Kjo është arsyeja përse ne do të shohim se cili do të jetë reagimi ndaj vendimit në shkallën e tretë kundër Ivan Todosijeviqit. Kjo është me rëndësi kyçe për ne”, tha Vuçiq./REL

© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/