Zgjedhjet në Bullgari/ Dalin exit poll-et e para, ja si parashikohet rezultati

Oct 2, 2022 | 20:53
SHPËRNDAJE

Janë publikuar exit-pollet e para për zgjedhjet e parakohshme në Bullgari. Sipas të dhënave të publikuara nga “Alpha Research”, partia GERB-SDS ka fituar 66 deputetë.

bullgaria

Parti e dytë renditet “Vazhdimi i ndryshimit” me 52 deputetë ndërsa në të tretën renditet partia DPS – 37 deputetë.

Ajo pasohet nga “BSP për Bullgarinë” me 27, “Ringjallja” 26 deputetë, Bullgaria Demokratike – bashkim 21 dhe Ka një popull të tillë 11 deputetë.

Zgjedhjet e parakohshme të kësaj të diele ishin votimi i katërt i tillë në vetëm 18 muaj. Këto zgjedhje u bënë të nevojshme pas rrëzimit në korrik 2022 të qeverisë liberale të reformuar të kryesuar nga kryeministri Kiril Petkoë.

Ajo ishte në pushtet që nga fundi i vitit 2021 ku u formua një koalicion shumë heterogjen, përbërë nga dy parti liberale, mes të cilave partia e Petkoëit “Ne vazhdojmë ndryshimet” (PP).Bullgaria, e cila u bashkua me Bashkimin Evropian së bashku me fqinjin Rumani 15 vjet më parë, kishte gëzuar stabilitet relativ deri dy vjet më parë.

Por protestat antiqeveritare në shkallë të gjerë dhe të zgjatur tronditën vendin në verën e vitit 2020. Njerëzit akuzuan qeverinë e Bojko Borisovit — e zgjedhur për herë të parë në 2009 – për korrupsion dhe kthim prapa në demokraci.

Në Bullgari, kur një qeveri bie dhe nuk mund të bihet dakord për një të re, kushtetuta thotë se presidenti duhet të emërojë një kabinet të përkohshëm për të qeverisur deri në mbajtjen e zgjedhjeve të reja parlamentare. Prandaj, presidenti i Bullgarisë, Rumen Radev, ka rekrutuar tre nga koalicionet më të fundit të vendit, duke e bërë atë një figurë kyçe në trazirat politike që ka përfshirë shtetin e BE-së në vitet e fundit.

© Panorama.al

Te lidhura