Partia Demokratike i ka besuar postin e rëndësishëm ish-deputetit të Elbasanit, Endri Hasa.
Burime të Panorama.al bëjnë me dije se Endri Hasa është emëruar Koordinator Kombëtar për Teknologjinë e Komunikimit dhe Informacionit e Dixhitalizimit pranë PD-së.
Ky post i rëndësishëm i besohet ish-deputetit Hasa në prag të zgjedhjeve parlamentare të 25 prillit, ndërkohë që ish-deputeti në fjalë nuk u përfshi në listën e kandidatëve për deputet.
Partitë politike kanë nisur tashmë fushatën elektorale, teksa gjatë javës së kaluar publikuan edhe listat e kandidatëve për deputetë.
Deputeti Hasa ishte ndër ligjvenesit e PD-së qe goditi me vezë në Kuvend, kryeministrin Rama.
NDIQE LIVE "PANORAMA TV" © Panorama.al