Pas një seance maratonë, me debate e replika të forta, Kuvendi i Shqipërisë ka votuar programin e qeverisë “Rama II” dhe njëherësh edhe kabinetin e ri qeveritar. Me një votim te vetem, per programin dhe qeverine, Kuvendi vulosi konstituimin e Qeverise se re, me 78 vota pro dhe 51 kundër.
Votimi u bë pak para orës 7.00 të mëngjesit të sotëm, ndërkohë që seanca e diskutimeve nisi që dje në orën 09:00 të mëngjesit.
Votat pro qeverise i kane dhene 74 deputetet e PS. Nderkohe qe tre vota pro erdhen nga deputetet e PDIU-se ne Kuvend dhe nje vote tjeter pro Rames dhe programit te tij ka qene e deputetit Tom Doshi, i cili qe ne krye te heres nuk e fshehu se vota e tij do te ishte per Ramen.
U deshen gati 24 orë debat, fjalime nga deputete, opozitare e jo, dhe prezantime ministrash qe me pas programi te kalonte ne votim.
Rama tashme e ka edhe voten e shumices per programin qe do te zbatoje per 4 vitet e mandatit te tij te dyte ne qeverisjen e shqiptareve.
Sic duket edhe nga tabulati i fletes se votimit, rezulton se 8 deputete te PD-se dhe tre te LSI-se nuk kane marre pjese ne votim.
NDIQE LIVE "PANORAMA TV" © Panorama.al