“BalkanWeb” siguron videon e lëvizjeve të Mario Meshinit, miku i Devi Kasmit që qëndron në burg i akuzuar se e nxori në pritë. Viedoja është nxjerrë nga kamerat e sigurisë së një biznesi disa metra larg vendit ku mbeti i vrarë 42-vjeçari, tregon Mario Meshinin duke ecur me motor dhe pa skafandër në kokë.
Në video siç shpjegoi gazetari i kronikës Artan Hoxha, në studion e emisionit “Kjo Javë” në News 24 duket Mario Meshini teksa largohet me motorin e tij vetëm pak minuta pas vrasjes së Devi Kasmit në Tiranë. Sipas Hoxhës, i riu ka shkuar në banesë dhe ka përdorur motorin e tij, është pa skafandër dhe lëviz qetësisht.
Dyshimet u ngritën mbi Meshin edhe për faktin se zgjodhi të darkonte mbrëmjen e vrasjes, Por Hoxha thotë se kishte një arsye të fortë ditëlindjen e së dashurës.
Hoxha: Pse Mario Meshini shkoi të darkonte pas atentatit
Gazetari Artan Hoxha ka treguar të vërtetën në lidhje me veprimet e Mario Meshinit, të shoqëruarit të parë në polici pas vrasjes së Devi Kasmit ditën e hënë.
I ftuar në emisionin “Kjo Javë” të gazetares Nisida Tufa në News24 Hoxha tha se Meshini është mik i ngushtë me viktimën Devi Kasmin dhe në momentin e vrasjes ai do të takohej me të.
Por ai gjithashtu zbulon se Meshini shkoi të darkonte menjëherë pas ngjarjes pasi e dashura e tij kishte ditëlindjen, shkruan BalkanWeb
“E vërteta është se Mario Meshini njoftoi menjëherë bashkëshorten e Kasmit. Policia e akuzon pse ka lëvizur nga vendi i ngjarjes, pse nuk ka shkuar në polici,
Autori i ka drejtuar pistoletën, dhe kur iu drejtua armën ka ngritur duart lart. Ai ka patur ditëlindjen e të dashurës së vet, dhe rreth 1 orë pas ngajrjes, ka shkuar te e dashura e tij. Dhe të afërt të tij ,e kanë çuar sërish në banesë sepse kishin frikë se nuk dinin kush ishte autori,” tha Hoxha.
NDIQE LIVE "PANORAMA TV" © Panorama.al
