Udhëheqësi kryesor i rrjetit më të madh të trafikimit njerëzor në Evropë, sipas medias britanike “The Irish Sun”, është një shqiptar me nënshtetësi irlandeze.
I dyshuari është një nga 39 personat e kapur në Shqipëri fundjavën e kaluar, me akuzen e trafikut te 1 mije shqiptareve drejt SHBA, Britanise dhe Kanadase.
Hetuesit nga Byroja Kombëtare e Imigracionit kanë kuptuar lidhjen e tij me Irlandën dhe tani po punojnë me autoritetet në Mbretërinë e Bashkuar dhe Evropë.
Media britanike shkruan se ky person është një nga kryetarët kryesorë të trafikantëve dhe dyshohet se është i përfshirë më shumë se te tjeret ne trafikim.
Ai dyshohet se është pjesë e mafias shqiptare, nderkohe qe po hetohet gjetja e lidhjeve të tjera të mundshme ne kete rrjet me Irlandën.
Emigrantët që kanë kaluar në mënyrë të paligjshme, kryesisht janë nga Shqipëria dhe nga vendet e tjera të Evropës lindore.
Ata janë detyruar t’u paguanin kontrabandistëve 8 mijë euro për të shkuar në Britaninë e Madhe dhe më shumë se 20 mijë euro për në SHBA dhe Kanada.
Perktheu PANORAMA
NDIQE LIVE "PANORAMA TV" © Panorama.al