Pas diegies se disa banesave ne zonen e Bathores, Kryebashkiaku Xhelal Mziu shpreh keqardhjen për kete rast.
Mziu shprehet se kjo ngjarje mund të ishte parandaluar apo do të ishte në përmasa më të vogla, nëse në Kamëz do të kishte një stacion zjarrfikëseje, kompetenca dhe financimi i të cilit duhet të ishte bërë që në janar të këtij viti ashtu si për bashkitë e tjera.
Duke parë se çfarë ndodhi sot dhe ishte kërkuar më parë edhe nga kryebashkiaku Mziu, ai bën i thirrje edhe një herë qeverisë që në mënyrë urgjente Bashkisë Kamëz t’i delegohen fondet për ngritjen e një stacioni zjarrfikëseje, në një kohë kur nuk ka asnjë të tillë dhe 160 mijë banorë të Kamzës janë në mëshirë të fatit, siç ndodhi edhe sot.
Po ashtu, kërkohet edhe financimi i burimeve njerëzore të këtij stacioni, gjë e cila i takon Kamzës, ashtu si edhe bashkive të tjera.
