Emanuele Xhakerini ishte protagonist pasditen e djeshme me Kievon, teksa shënoi me penallti, golin e avantazhit të përkohshëm ndaj Juventusit. Edhe pse ekipi i tij u mund, ai u bë viral pas ndeshjes në rrjetet sociale, për një fotografi të postuar në Instagram.
Xhakerini postoi një foto me Ronaldon, dhe komenti i tij ishte epik: “Natyrisht, më kërkoi ai që të bënim foto.”
Ndërkohë, nuk ka munguar edhe një tallje e mbrojtësit shqiptar, Elseid Hysaj, që në komente i shkruan Xhakerinit: “Hesht më mirë”.
Edhe shoku tjetër i tij, që e ka pasur tek Napoli, Lorenco Toneli, i komenton me shaka: “Edhe unë dua një foto me ty Xhak.”
