Vuçiç sulmon opozitën serbe: Po harroni se bëhet fjalë për ndryshimin e kufijve të një Kosove të pavarur

SHPËRNDAJE

Presidenti i Republikës së Serbisë, Aleksandër Vuçiq, ka folur përsëri sot rreth çështjes së zgjidhjes së problemit me Kosovën, transmeton Gazeta Express.

aleksandar-vucic-tanjug-zoran-zestic_1534445385-4878196

Sipas tij gjërat vetëm po vijnë duke u vështirësuar drejt gjetjes së një marrëveshjeje të përbashkët për të dyja shtetet.

“Është gjithnjë e më e qartë se po bëhet dhe më e vështirë për të dalë me një zgjidhje për Kosovën”, ka thënë Vuçiq sot në Novi Sad.

“Gjërat janë duke shkuar në atë drejtim që Serbia nuk do të marrë asgjë”, ka shtuar Vuçiq, transmeton Gazeta Express marrë nga agjencia e lajmeve tanjug.

Vuçiq ka adresuar madje edhe kritika ndaj opozitës serbe, të cilët kanë dalë kundër idesë së shkëmbimit të territoreve Kosovë-Serbi.

Sipas presidentit serb, ata kanë harruar se bëhet fjalë për ndryshimin e kufijve të një Kosove të pavarur.

Ai ka thënë se Serbia do të pranojë një marrëveshje me Kosovën e cila do të jetë në interes të popullit të Serbisë./GazetaExpress/

Te lidhura

 

S'KA KOMENTE

Comments are closed.