Presidenti i Serbisë, Aleksandar Vuçië ka ripërsëritur qëndrimin e tij për taksën. Ai po qëndron për një vizitë zyrtare në Shtetet e Bashkuara të Amerikës, ku eshte takuar me të dërguarin të posaçëm të SHBA-së, për Ballkanin Perëndimor, Matthew Palmer.
Pas këtij takimi, Vuçic ka deklaruar se Palmer por edhe Richard Grenell, i dërguari i Posaçëm e presidentit Donald Trump, për dialogun Kosovë-Serbi, kanë theksuar rëndësinë e heqjes së tarifës prej 100 për qind për mallrat serbe dhe kanë treguar rëndësinë e heqjes së saj, pasi që siç u shpreh Vuçiq, nëse hiqet taksa, me Kosovën mund të diskutohen çështje të rëndësishme thelbësore, transmeton lajmi.net.
Vuçi iu tha gazetarëve në Uashington se, ai ishte mirënjohës se sikurse Grenell ashtu edhe Palmer, janë shprehur insistues që Kosovë të heq tarifën si dhe kanë kundërshtuar idenë e Albin Kurtit.
Ai po ashtu citohet të ketë thënë se, “përndryshe, me Kosovën vetëm çështje teknike mund të diskutojmë”.
Vuçiq, po ashtu ka folur edhe rreth një takimi të mundshëm ditën e nesërme me Thaçin, por i pari i Serbisë, ka thënë se nuk e di nëse mund të ketë një takim të tillë.
“Unë nuk kam asgjë kundër takimit, por unë jam duke pritur për rezultatin e tarifës. Nëse do të takohemi diku nuk e kam problem, por nuk do të ketë negociata të vërteta për ndonjë çështje statusi”, theksoi Vuçiq, duke kujtuar se ai gjithashtu u takua me Thaçin dhe Kurtin në Munih.
NDIQE LIVE "PANORAMA TV" © Panorama.al
