Vuçiç flet para takimit në Bruksel: Prishtina s’do të diskutojë çështjet thelbësore, ne…

SHPËRNDAJE

Presidenti i Serbisë, Aleksandër Vuçiq, thotë se bazuar në deklaratat e krerëve të shtetit të Kosovës, nuk pret që në takimin e 7 shtatorit në Bruksel të diskutohet ndonjë gjë thelbësore.

vucic0_620x0

“Po e shoh se zyrtarët nga Kosova nuk dëshirojnë të flasin për Asociacionin e Komunave Serbe, as për veriun, as për Gazivodën”, ka thënë Vuçiq, raporton tanjug, transmeton Gazeta Express.

“Unë mendoj se ata nuk dëshirojnë që të flasin për ndonjë gjë thelbësore”, ka vazhduar presidenti serb i pyetur se si i komenton deklarimet e fundit të Thaçit se nuk do të diskutojë as për liqenin e Gazivodës e as për veriun e Kosovës.

Ai ka thënë se Serbia nuk ka kohë për të humbur dhe se liderët e të dyja shteteve duhet të marrin përgjegjësi.

Por ndryshe janë pritjet e Brukselit për këtë takim ndërmjet dy presidentëve. Komisioneri Johanes Hahn ka thënë se marrëveshja ndërmjet Kosovës dhe Serbisë duhet të arrihet deri në fund të këtij viti, ose më së largu deri në Maj të vitit 2019.

Kujtojmë se të martën koalicioni qeverisës në një seancë që është shtyrë disa herë radhazi si pasojë e mungesës së kuorumit dhe kushtëzimit të deputetëve të Listës Serbe, ka venë në rend të ditës votimin e një grupit të unitetit për dialogun me Serbinë, që do të udhëhiqet nga Fatmir Limaj.

Këtë nismë sot e ka mbështetur edhe Thaçi, i cili ka thënë se do të bashkëpunojnë në përputhje me Kushtetutën e Kosovës.

Seanca e koalicionit qeverisës është thirrur si kundërpërgjigje ndaj seancës së thirrur nga opozita ku pritet të miratohet një rezolutë që ia ndalon Thaçit të debatoj për kufijtë në dialogu e Brukselit./Express/

 

Te lidhura

 

Artikulli paraprakMiriami paralajmëron fansat me këtë foto me Albanin: Gjëra të bukura po vijnë
Artikulli tjetërPesë vjet TiBO TV, platforma për të gjithë shqiptarët anembanë globit

S'KA KOMENTE

Comments are closed.