Vuan nga sëmundja e rrallë e plakjes së parakohshme, 25-vjeçari diplomohet për të dytën herë në…

Mar 27, 2021 | 0:02
SHPËRNDAJE

Sammy Basso është një italian 25-vjeçar, që vuan nga progeria. Ai themeloi Shoqatën Italiane “Progeria Sammy Basso”, për të përhapur njohuri në lidhje me sëmundjen e tij dhe për të promovuar kërkime mbi të.

sammy basso

“Progeria” është një sëmundje e lindur dhe të prekurit nga kjo sëmundje kanë një plakje të parakohshme dhe zakonisht vdesin në moshën 13-vjeçare, raporton “Funpage.it”.

Vonesa e rritjes fillon që në periudhën 9 ose 24 mujore dhe çon drejt zhvillimeve anormale të fytyrës, si për shembull një fytyrë e vogël joproporcionale, fryrje, sy të dalë dhe nofull të pazhvilluar. Deri në moshën 2-vjeçare bien të gjithë flokët, vetullat dhe qerpikët.

sammy basso.jpg (2)

Megjithatë, kjo sëmundje nuk ndryshon mendjen, e cila mbetet treguesi i vetëm i moshës së vërtetë të pacientit. Sëmundja nuk e ka ndaluar Sammy Basso-n të arrijë qëllimet e tij. Ai u diplomua për të dytën herë në “Universitetin e Padovës”, për Biologji Molekulare në Departamentin e Biologjisë.

Ëndrra e Sammy-t, pas përfundimit të studimeve, ishte të punonte në “CERN” në Gjenevë.

sammy basso.jpg (3)

Në vitin akademik 2014-2015 ai u regjistrua degën e Fizikës në Universitetin e Padovës. Ndërsa një vit më vonë, ai u regjistrua në Fakultetin e Shkencave të Natyrës me synimin për të thelluar kërkimet mbi progerinë sapo të mbaronte studimet.

sammy basso.jpg (1)

Tre ditë më parë, më 23 mars 2021, ai mori gradën master në Biologji Molekulare në Universitetin e Padovës.

sammy basso.jpg (4)

© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.