UPDATE/ Arrestohet autori i dyshuar i vrasjes pas konfliktit për vijën e ujit në Berat. Policia kishte rrethuar 34-vjeçarin Fatmir Bregu në fshatin Lybesh pasi pas ngjarjes ai kërcënoi se do të vetëvritej.
“Grupi negociator i Reneas ka negociuar me telefon me autorin me qëllim që autori të dorëzohet, por ky shtetas deri tani nuk eshte bindur per t’u dorezuar”- njofton policia.
Pas thirrjes për dorëzim ai ka kërcënuar se do të vrasë veten. “Autori po mbahet nen rrethim nga Policia e Beratit dhe Renea dhe grupi negociator i Reneas vijon negociatat per te bere te mundur dorezimin e tij”- njofton policia.
NGJARJA
Sherri për një vijë uji i ka marrë jetën një të riu në Berat. Sipas policisë, Fatmit Bregu, 34 vjeç, banues në fshatin Lybesh të Beratit ka qëlluar me armë zjarri shtetasin Namik Gjika, 28-vjeç.
“Vrasja ka ndodhur paranë një lokali në fshatin Lybesh pas një konflikti për shkak të një vije uji”- njofton policia.
NDIQE LIVE "PANORAMA TV" © Panorama.al