Policia zbardh detaje rreth vrasjes së ndodhur gjatë natës në Sarandë. Sipas hetimeve ka rezultuar se shtetasi P.Sh. 44 vjeç, i cili ka mbetur i vdekur, u qëllua nga grabitësi, ndërkohë që ai ishte duke u larguar, pasi kishte marrë e vete edhe 10 mijë lekë te rinj nga lokali.
Policia njofton se eshte lajmëruar për ngjarjen rreth ores 03:00, se në fshatin Shkallë është vrarë me armë zjarri një person.
Menjëherë në vendngjarje kanë mbërritur forcat policore, ku nga hetimet paraprake ka rezultuar se një person i paidentifikuar ka shkuar për të vjedhur në lokalin e shtetasit: A. B. në dalje të fshatit Shkallë.
“Pronari i lokalit që ka edhe banesen ngjitur me lokalin ka dëgjuar se dikush ka hyrë në lokalin e tij dhe ka njoftuar një bashkëfshatarin e tij për ndihmë, shtetasin P.Sh. Gjatë momentit që bashkëfshatari po shkonte për ndihmë, personi i paidentifikuar ka qenë duke u larguar nga lokali nga ku kishte marre rreth 10,000 lekë të rinj (monedha) dhe në anën e pasme të lokalit ka qëlluar me armë zjarri shtetasin: P.Sh. 44 vjeç, i cili ka mbetur i vdekur”- njofton policia.
Autori i ngjarjes është larguar menjëhere pas kryerjes së krimit. Është ngritur një grup i posaçëm hetimor si dhe janë ngritur postoblloqe për kapjen e autorit.
Deri më tani, Policia ka shoqëruar 19 persona (si të dushuarit kryesorë në atë zonë) si dhe është bllokuar një automjet i cili mendohet se mund të ketë lidhje me autorin.
NDIQE LIVE "PANORAMA TV" © Panorama.al
