Vrasja e komisarit Artan Cuku, shtyhet seanca për të akuzuarit

SHPËRNDAJE

Ka nisur mbrapsht procesi gjyqësor për vrasjen e komisar Artan Cukut. Seanca e parë që pritej të zhvillohej sot ndaj dy të akuzuarve Kristian Leci dhe Bledar Jambellit është shtyrë. Jambelli po gjykohet në mungesë bashkë me Lecin.

Jambelli akuzohet si urdhërues i vrasjes së Artan Cukut, ndërsa Leci si ndërmjetës. Ky i fundit është kushëri me ekzekutuesin real, Mikel Shallari.

porositesi-artan-cuku

Gazetarja Klodiana Lala raportoi për “BalkanWeb” se Gjykata ka urdhëruar policinë e Beratit dhe Fierit të bëjnë kërkime dhe të njoftojnë të pandehurit. Ata nuk kanë kthyer përgjigje dhe Gjykata vendosi sot që të njoftojë Drejtorinë e Përgjithshme të Policisë së Shtetit për të marrë informacione se çfarë po bëhet me kërkimet për këta të dy.

Në momentin që kërkimet nuk japin rezultat, gjykata vazhdon të procedojë. Të dy janë në kërkim, ndërsa Mikel Shallari është dënuar me 10 vite për vrasjen, pasi mban statusin e bashkëpunëtorit të policisë.

/BalkanWeb/

 

Te lidhura

 

Artikulli paraprakNgjarja që i la shenja në jetë, këngëtarja e famshme: U sulmova seksualisht në moshën 19-vjeçare
Artikulli tjetërFOTO/ Iu arratis policisë vetëm me të brendshme, dënohet me burg shqiptari me dy emra

S'KA KOMENTE

Comments are closed.