Ka nisur më në fund procesi gjyqësor ndaj dy të rinjve, Igli Meta dhe Marjo Mema, të cilët më 18 korrik të vitit 2015, vranë shokun e tyre në San Anxhelo të Italisë, Ismail Luli.
Vrasja tronditi si Shqipërinë ashtu edhe Italinë, pasi në prapavijë kishte xhelozinë.
Dy rinjtë shqiptarë, Igli Meta, 21-vjeç dhe Marjo Mema, 20-vjeç, të akuzuar që kanë pranuar vrasjen e bashkëkombësit të tyre, janë pritur sërish në rrugë me ulërima dhe sharje.
Pasi nisi seanca në gjykatë, Igli Meta, që pati marrë autorësinë e krimit, ka tërhequr deklaratat e dhëna në prokurori dhe ka kërkuar përmes avokatit që të ripyetet. Sipas mbrojtjes ka ende shumë fakte të reja që presin të vlerësohen e që do ndërrojnë rrjedhën e hetimeve.
Në këtë pikë ka qenë prokurorja e çështjes e cila ka kërkuar që të dëgjojë variantin e ri, ndërsa avokati mbrojtës i Marjo Memës, ka refuzuar.
Sipas informacioneve Igli Meta i ka thënë një tjetër variant avokatëve të tij, lidhur më ngjarjen e 19 korrikut.
Duke marrë parasysh këto të dhëna të reja, trupi gjykues ka vendosur që seanca e ardhshme të zhvillohet me 7 qershor.
Mediat edhe jashtë sallës kanë qenë të interesuara për të vërtetën e re lidhur me procesin e zhurmshëm për një krim që rebeloi komunittein, por nuk kanë marrë asnjë përgjigje. “Cila të jetë e vërteta”? pyesin mediat italiane
NDIQE LIVE "PANORAMA TV" © Panorama.al
