Heqja e koalicioneve/ Opozita e Bashkuar reagon pas vendimit të maxhorancës: Ndryshimin e Kushtetutës dhe sistemit e vendosin vetëm…

Jul 14, 2020 | 14:53
SHPËRNDAJE

Basha-aleatet-tryeza

Opozita e Bashkuar ka reaguar pas vendimit të Komisionit të Ligjeve, i cili miratoi draftin e ndryshimeve Kushtetutese të opozitës së re për hapjen e pjesshme të listave të deputetëve dhe heqjen e koalicioneve parazgjedhore.

Me anë të një deklarate zytare, Opozita e Bashkuar ka fajësuar kryeministrin Rama, të cilin e ka bërë përgjegjës për prishjen e dakordësisë së 5 qershorit, që u arrit falë ndërmjetësimit të partnerëve të SHBA dhe BE.

Në qëndrimin e saj, Opozita e Bashkuar e quan si lojë të pisët vendimin e maxhorancës për të ndryshuar Kushtetutën dhe për të hequr koalicionet parazgjedhore në votimet e ardhshme.

Kushtetuta dhe sistemi sipas forcave të opozitës mund të ndryshohet vetëm me vendim popullor dhe se e djathta do t’i bindet vendimit të qytetarëve dhe jo “jo interesave kriminale të pushtetit personal të Edi Ramës”.

“Tentativa për prishjen e Dakordësisë së 5 Qershorit, të arritur me mbështetjen dhe ndërmjetësimin e plotë të partnerëve strategjikë SHBA – BE, është përgjegjësi VETEM e Edi Ramës. Ky akt minon procesin e integrimit europian të vendit dhe dëshmon përpara opinionit publik, se Edi Rama për pushtetin e tij personal është në gjendje të hedh në erë të ardhmen europiane të Shqipërisë.

Çdo lojë e pisët për të ndryshuar në mënyrë të fshehtë dhe të njënashme Kushtetutën nga njeriu që është i tmerruar nga zgjedhjet dhe vullneti i qytetarëve, është dëshmi e fundit të tij të pashmangshëm. Ky akt rikonfirmon se Edi Rama është një mashtrues tinzar që për pushtetin e tij, shet interesat e vendit dhe të shqiptarëve, rrënon procesin e integrimit europian dhe izolon Shqipërinë, duke kërcënuar rëndë stabilitetin politik dhe  shoqëror të vendit.

Kushtetutën dhe sistemin zgjedhor, e vendosin vetëm qytetarët me referendum popullor. Opozita e Bashkuar i bindet vetëm vendimeve që marrin qytetarët dhe jo interesave kriminale të pushtetit personal të Edi Ramës.

Opozita e Bashkuar është e vendosur ti shërbejë vetëm interesit të qytetarëve. Opozita e Bashkuar mbështet plotësisht qëndimet e qarta të Sekretarit amerikan të Shtetit, Mike Pompeo, Përfaqësuesit të Lartë të Bashkimit Europian, Joseph Borrel dhe Komisionerit për Zgjerimin, Oliver Varhelyi, dhe rikonfirmon se i qëndron plotësisht kodifikimit pa asnjë ndryshim të Dakordësisë së 5 Qershorit, si baza minimale për krijimin e një klime normale për zgjedhjet në Shqipëri”, thekson Opozita e Bashkuar./ Panorama.al

NDIQE LIVE "PANORAMA TV" © Panorama.al

Te lidhura