Vjen ftesa e radhës nga Kombëtarja, titullari i Partizanit bëhet gati për ndeshjen me Andorrën

Nov 8, 2019 | 15:33
SHPËRNDAJE

Flamurtari-Partizani është ndeshja përmbyllëse e javës së 12-të të Superiores dhe më pas kemi një ndërprerje të aktiviteteve në futbollin vendës, për shkak të angazhimeve të ekipeve kombëtare.

Trashi goli Shqiperia

 Për disa lojtarë të Partizanit angazhimi në këtë periudhë do të jetë maksimal, dhe njëri prej tyre do të jetë edhe Lorenc Trashi, i cili ndaj Moldavisë pati një debutim ëndrrash, duke shënuar gol.

27-vjeçari i Partizanit tani shikohet si pjesë e Kombëtares së drejtuar nga trajneri Edi Reja, ndaj Trashi pritet të grumbullohet për dy ndeshjet e fundit eliminatore që Shqipëria do të luajë në shtëpi më 14 dhe 17 nëntor, ndaj Andorrës dhe Francës. Gjasat më të shumta për të luajtur Trashi i ka në ndeshjen e parë me Andorrën, por gjithçka është kompetencë e trajnerit Reja, i cili i ka dhënë besimin e plotë mëngjarashit të Partizanit.

/PANORAMASPORT.AL/

NDIQE LIVE "PANORAMA TV" © Panorama.al

Te lidhura