Ditën e djeshme, Yolanda Hadid festoi ditëlindjen dhe sigurisht Dua Lipa i bëri një urim publik.
Këngëtarja me origjinë shqiptare ka ndarë me ndjekësit në Instagram një foto krah vjehrrës ku shkroi: “Gëzuar ditëlindjen”.
Edhe Anwar ka ndarë një foto të para shumë viteve të së ëmës duke shkruar “Gëzuar ditëlindjen, Mama!”
Pas lidhjes me Anwar Hadid, Dua Lipa është bërë pothuajse pjesë e pandarë e familjes së tij.
Yolanda dhe Dua duket se kanë krijuar një marrëdhënie të mrekullueshme me njëra-tjetrën. Fotot bashkë në rrjete sociale nuk mungojnë dhe duket se të dyja, përveç marrëdhënies nuse-vjehrrë, janë edhe dy shoqe shumë të mira.
Në rrjetet sociale të ish-modeles holandeze gjen pafund foto të fëmijëve dhe tashmë edhe të mbesës së saj të vogël.
E padyshim në këto postime nuk mungojnë as dhëndri Zayn Malik dhe nusja, Dua Lipa. Yolanda mundohet mos t’i diferencojë nga fëmijët e saj dhe shpeshherë poston edhe foto të tyre.
Ndërkohë, Gigi dhe Bella ende nuk e kanë uruar publikisht të ëmën.
