Në datën 18 shkurt, në gjykatën e Apelit Tiranë do të mbahet seanca për shqyrtimin e kërkesës për ndryshim të masës së sigurisë ndaj ish-ministrit Spiro Ksera.
Ai do të dalë para trupit gjykues të Gjykatës së Apelit Tiranë, e cila kryesohet nga Gramoz Levanaj, për të kërkuar lirim nga qelia.
Ksera e konsideron të paligjshëm arrestimin e tij, si dhe të motivuar politikisht. Ish-ministri u arrestua para dy javësh në fshatin e tij në Derviçan të Gjirokastrës.
Bashkë me të në pranga u vendos edhe ish-vartësi i tij Artevis Mene, si dhe disa shtetas të tjerë.
Ata akuzohen për vjedhjen e 300 milionë lekëve të tjera përmes aktiviteteve fiktivë.
Në trupën gjykuese prej tre personash do të jetë edhe Fatmira Hajdari.
NDIQE LIVE "PANORAMA TV" © Panorama.al