Kryeministrja e Finlandës, Sanna Marin ka vizituar sot Ukrainën ku u takua me Presidentin Volodymyr Zelensky.
Vizita e saj nuk ishte paralajmëruar. Gjatë qëndrimit, Marin vizitoi dhe zonat e shkatërruara në Irpin dhe Bucha.
BBC ka publikuar disa foto nga takimi, ku shihet Marin e veshur me një jelek antiplumb dhe e shoqëruar nga zyrtarë dhe ushtarë ukrainas.
Nuk janë publikuar ende detaje të vizitës apo bisedat e zhvilluara me Presidentin Zelensky. Ky takim vjen pasi Marin njoftoi disa ditë më parë se Finlanda do të aplikojë zyrtarisht në NATO.
