Presidenti Ilir Meta ka reaguar me shqetësim, lidhur me situatën ekonomike të krijuar nga pandemia e Covid-19, e cila ka bërë që të mbyllen mijëra qepena të biznesit të vogël në mbarë vendin.
Kreu i shtetit i bën thirrje Qeverisë “të dëgjohen dhe mbështeten kërkesat e biznesit të vogël, përmes nje strategjie konkrete dhe efikase”.
Sipas Metës, duhet shmangur “humbjae dhjetëra mijëra vendeve pune, katastrofat në ekonominë e çdo familje shqiptare dhe frenuar rritjen e mëtejshme të nivelit të papranueshëm të varfërisë”.
Reagimi i Presidentit Meta:
Mbyllja e mijëra qepenave të biznesit të vogël në mbarë vendin, është vitrina më e dhimbshme e pasojave tepër serioze dhe të prekshme në ekonominë kombëtare të efekteve negative të pandemisë COVID-19.
Të dëgjohen dhe mbështeten kërkesat e biznesit të vogël, përmes nje strategjie konkrete dhe efikase, për të shmangur humbjen e dhjetëra mijëra vende pune, katastrofat në ekonominë e çdo familje shqiptare dhe frenuar rritjen e mëtejshme të nivelit të papranueshëm të varfërisë.