Televizionet serbe kanë publikuar dy video të tjera të sulmit të kryeministrit Vuçiç në Potçar të Bosnjës, gjatë ceremonisë përkujtimore të Masakrës së Srebrenicës.
Videot tregojnë tmerrin e vërtetë që ka përjetuar Vuçiç, kur ka kaluar në mes të turmës së mbledhur në Potçar. Rojet e sigurisë, në panik të plotë e kanë tërhequr Vuçiçin thuajse zvarrë për ta nxjerrë nga shtegu i ngushtë në mes të turmës.
Edhe vetë Vuçiçi paraqitet i trembur dhe në panik. Siç duket edhe nga videoja situata ishte kaotike dhe rrezikonte edhe jetën e kryeministrit serb.
Sulmi me gurë dje në Potçar
UPDATE/Kryeministri serb, Aleksandër Vuçiç ka folur për incidentin në Srebrenicë, ku ai u qëllua me gurë gjatë përkujtimit të masakrës më të madhe të ndodhur në Bosnje.
Kryeministri serb tha se në momentin që ai kishte dëgjuar thirrje fyese ndaj tij i kishte kërkuar rojës së sigurisë që ta ulëte poshtë çadrën në mënyrë që ai të fliste me familjarët e viktimave.
Vuçiç tha se pavarësisht këtij incidenti, ai përsëri ia shtrin dorën popullit boshnjak.
“Kur nisën thirrjet kundër meje dhe hedhjet e gurëve, njëri nga rojet hapi çadrën dhe unë i thashë ta ulëte poshtë sepse do të ishte mirë të flisja vetë me ta. Por gjërat u përshkallëzuan dhe unë mora tre goditje.
Gjithsesi, dora ime mbetet ende e zgjatur për popullin boshnjak. Unë e di se ky sulm ishte i organizuar mirë dhe nga familjarët e viktimave.
Por i bëj thirrje popullit serb që të mos e shohin me urrejtje fqinjët e tyre boshnjak edhe pas këtij akti. Më vjen keq për familjet e viktimave dhe për atë që ka ndodhur”, tha Vuçiç
***
Gjatë homazheve për Masakrën e Srebrenicës, kryeministri serb, Vuçiç u sulmua disa herë me gurë.
Lajmi raportohet nga Telegrafi serb, shoqëruar me foto e video nga incidenti. Sipas gazetes, Vuçiç ishte duke vendosur lule në një pllakë përkujtimore, kur u sulmua me gurë nga masa që ishte prezentë.
Nderhyrja ka qenë e shpejt duke e mbrojtur atë dhe duke e shoqëruar per në makinë , por sulmi nuk mund të shmangej për shkak të kontaktit të ngushtë në mesin e njerëzve të cilët rrethuar rrugës.
***
Kryeministri i Serbisë, Aleksander Vuçiç është pritur jo mirë në Srebrenicë. Njerëzit e shumtë të mbledhur për ceremoninë përkujtimore të 20 vjetorit të masakrës kanë lëshuar britma dhe fishkëllima jo mikpritëse ndaj tij.
Mediat e Kosoves raportojnë se “Vuçic u prit me britma dhe fishkëllima, por që situata nuk ishte aq dramatike për shkak të nivelit të lartë të masave të sigurisë. Ardhja e kryeministrit të Qeverisë serbe u parapriu kordoni i madh i policisë”, raporton Blic.rs, transmeton zëri.info
Ajo që ka mirëpritur Vuçiçin ishte një grua e quajtur Hatixhe Mehmedoviç. Nga ana tjetër, ardhja e delegacionit të Shteteve të Bashkuara të Amerikës, respektivisht ish-presidentit, Bill Clinton dhe Madeleine Albright është pritur me duartrokitje.
Klinon uron Vucicin per pjesemarrjen
“Si një mik, dua të falënderoj Kryeministrin e Serbisë , i cili ka treguar guximin për të qenë këtu prezent në këtë ditë. Është e rëndësishme që ta njohin”.
Këto janë fjalët e ish presidentit Amerikan, Bill Klinton në fjalimin e tij me rastin e 20 vjetorit të masakrës në Srebrenicë të Bosnjës, përcjell Zeri.info
Ai falënderoi sot kryeministri serb Aleksandër Vuçiç i cili , ndër të tjera tha se pret që njëjtë si Vucic të veproi edhe presidenti serb Tomislav Nikolic, shkruan Telegrafi serb.