Vajza 20-vjeçare e cila regjistroi kreun e Bashkisë së Peshkopisë, rezulton se ka publikuar në rrjetet socialiste punësimin në bashkinë e qytetit verilindor.
A. A., ka shkruar në Facebook gjatë muajit shkurt për nisjen e punës pranë Bashkisë së Peshkopisë, kurse mbi foton e profilit ka shkruar: “Ki qef me kon su un, po tmungon aftësia. tjetër sen o qefi, e tjetër eshte mundësia”.
Ajo ka publikuar më 26 shkurt në profilin e saj në Facebook, se ka nisur punë si menaxhere e Pallatit të Kulturës në Bashkinë e Peshkopisë, vend që i premtohet nga Xhelili në videoskandal, raporton “News24”.
20-vjeçarja që filmoi kreun e bashkisë është shoqëruar sot në Polici ku ka deklaruar se nuk ishte detyruar nga Xhelili për të kryer marrëdhënie seksuale.
“Nuk ka pasur asnjë shtrëngim për seks. Jam ofruar vetë pranë televizionit për të bërë filmimin e fshehtë. Videon vendosa ta bëj publike për qejf”, ka deklaruar ajo.
