Pas videoskandalit dhe arrestimit të ish kryebashkiakut Shukri Xhelili, këshilli i Bashkisë Dibër ia ka besuar drejtimin e bashkisë nënkryetarit aktual të kësaj njësie vendore, Et’hem Fida, përfaqësues i PDIU-së.
Muaj më pare ish kryebashkiaku Shukri Xhelili kishte emëruar si nënkryetar të Bashkisë Dibër, Sali Tërshallën e Et’hem Fidën, i pari përfaqësues i PS-së dhe i dyti i PDIU-së.
“Dy forcat politike, PS dhe PDIU kanë rënë dakort që nënkryetar i parë i Bashkisë Dibër, deri në zgjedhjet e reja lokale të jetë Et’hem Fida, përfaqësues i partive të koalicionit të majtë. Një mundësi tjetër është pezullimi i vendimit të qeverisë nga Gjykata Kushtetuese dhe rikthimi i Xhelilit në detyrë”, bënë me dije burime pranë Bashkisë Dibër.
Të njëtat burime saktësuan se drejtuesit e dy forcave politike, PS dhe PDIU janë dakortësuar dje që Fida të ketë përgjegjësitë e ish kryetarit Xhelili.
Sipas ligjit nënkryetari i emëruar mund të ushtrojë kompedencat e kryetarit të bashkisë deri në gjashtë muaj. H.Pasha
NDIQE LIVE "PANORAMA TV" © Panorama.al
