Policia e prefekturës së Osakës në Japoni ka kapur rreth 5.800 shalë të biçikletave nga një strukturë ruajtjeje me qira dhe arrestoi një shofer kamioni me akuzën e vjedhjes.
Hiroaki Suda, 57 vjeç, u arrestua në 13 shkurt pasi një kamerë sigurie e kapi duke vjedhur dy shalë biçiklete me vlerë afërsisht 8,000 ¥ në 29 dhe 30 nëntor në një stacion treni dhe një parking për biçikletat në Higashiosaka.
Suda ka pranuar akuzat, ndërsa policia e citoi atë të premten të thoshte: “Unë fillova të vidhja shalët e biçikletave rreth 25 vjet më parë në Tokio dhe Osaka për të lehtësuar stresin në punë dhe, gradualisht, mbledhja e tyre doli të ishte argëtuese.”
Policia u befasua kur kapi shalët e biçikletave dhe dyshon se Suda i vodhi ata ndërsa po udhëtonte nga qyteti në qytet.
NDIQE LIVE "PANORAMA TV" © Panorama.al
